أكبر من شوارع محمد ابراهيم واجمد من زان نجوي خشبة ...
ربنا يعلم ماحدث لنا من الم وتمزق نياط القلب غضبا وحزنا بعد القبض علي محمد ابراهيم وبعده نجوي خشبة وأحمد فتحي وحسن قباني. ... وربنا يعلم مدي فرحتنا وسعادتنا لفك اسرهم وكربهم ...
بس هو الموضوع محمد ونجوي وحسن ودمتم ... الموضوع فيه أكثر من 55 الف معتقل سياسي ...
الموضوع معتقلين فقط ... اطلاقا فهناك عمي في الأولويات وقد كنت اول من صاغ مصطلح عمي الأولويات قبل عمر موسي ... خمس سنوات ونحن نصرخ بكل حرف قاله عمرو موسي ...
وهل الموضوع فقط عمي أولويات اقتصادية ... لا والله مش بس اقتصادية ... اقتصادية وسياسية واجتماعية ...
قوانين ظالمة باطشة ... وتعدي الأمر إلي ماوراء القوانين الباطشة ... حاجة كده بالمزاج ... نطلع فلان ونحجز علان ونضرب ترتان عشان معيط ونطاط الحيط يخافوا ... ناس بتخرج بالتليفون وناس بتخلل وبتتبستر جوااا ... الموضوع مولد سيدي الحوار والكل بيضرب نار ... رافضي الحوار ومؤيديه ...
ولأن الفريقين المتحاورين قرروا أن يستعموا الشعب ... بدون عرض اجندة الحوار ومعرفة أهدافه وبنوده ... فالمعارضين للعملية كلها اكتفوا بأمل خروج المعتقلين كلهم ... وآخرين توقعوا انفراجة في ملف الحريات وفريق ثالث قاعد حاطط رجل علي رجل ومستني يعرف اسعار الزيت والسكر رايحة فين ... وفريق آخر بيقول نفسي ثم نفسي وياكش تولع ...
مبروك لاخوتنا حقهم الطبيعي في الحرية ...
والمطلوب ايه ... يروحوا يتركوا أماكنهم علي دكك الحوار ويرجعوا بيوتهم .. لا خالص ...المطلوب خروج كل معتقلي الرأي وبنية تشريعية حقيقة تحدد الفصل بين السلطات وتحدد سقف الأجهزة والتعاملات السياسية والاقتصادية ... روؤي واضحة لمجتمع مريض يبحث عن السلام النفسي والاجتماعي ...
تعدت مصر مرحلة حسن ابو الروس وإجبار المستمعين علي سماعه بالأمر والغصب ودخلنا في مرحلة حسبو وشفاعات ... انا بحبك وانت بتحبيه وهو بيحب واحدة تانية ... وكلنا في الهوى عباسية ...
تعليقات
إرسال تعليق
أترك تعليق