جه يناير جه يناير
هل بالبرد و ثلوجه
هل بالذكرى الحزينه
وانتي لسه ف السلاسل
وانتي لسه ف الطريق
ماشيه جنب العتمه تبكي
والانين شق الجيوب
واللي باقي من حبايبك
لسه ف الذل الكبير
اللي هاجر واللي راحل
واللي جوه السجن نازل
تعبو من كتر المهازل
يشهدو ويسدو دين
جه يناير
جه ولسه الأرض فاضيه
والبلد مافيهاش عجين
واللي طال القوت ليومه
بكره مايشوفلوش مثيل
جه ولسه البيع مشاع
جه ولسه مفيش مصانع
واللي خلا الدنيا ساحت
أنه بايعك بالمساحه
بالتوتاله والبغاشا
طال ف عمرك
شيل ياباشا
العميل ويا الخواجه
كان طاقيه كان عمامه
المهم نبيع لجاجه
يفضل الحزن مساورنا
ومزاولنا باي حاجه
بعنا برضو و ممشيناش
قطر ابونا اتباع بلاش
بعنا برضو مكفيناش
غيط ابونا اتباع بلاش
لجل ياكلونه الديابه
و الغلابا تروح بلاش
لما لف الحزن دارنا
والديابه تعيش بلاش
فاأخرجوا
مافاضلش حاجه
اخرجو الكيل وفاض
اخرجو قبل القيامه
قبل ماتضيع البلاد
وف مزاد الدنيا نسكن
يشتروها ف المزاد
ادخلوا قصر العويل
هيه موته زي موته
اسبقو ايد عزرائيل
هوه باعنا للصهاينه
واحنا توهنا في السبيل
السجون هتبل ريقنا
والخروج هوه البديل
واللي يتراجع ويسكت
بكره هيبيع له الهوا
لما نبقى بدون دوا
والعليل بيشيل عليل
*******
المصرى الحزين