-إعلام النصابين والبحث عن الترند واللعب بالأرقام وبعقول الغلابة
-دأب إعلام السامسونج علي ترويج أرقام صماء لخداع الرأي العام
-مثل حجم السحب من البنوك في العيد
واخيرا استهلاك المواطنين من الفول المستورد
فقد نشر أن المصريين كلوا فول مدمس مستورد ب 2.8 مليار جنيه خلال عشر شهور
- وكأن ده رقم فظيع يعني مستكترين علينا الفول المدمس يا اولاد ال......
-بيقولو ان ده حصل خلال عشر شهور ومصر عدد سكانها 100 مليون
-طيب نترجم الأرقام بالعقل والواقع
-معني كدة ان المواطن خلال عشر شهور اشتري فول مستورد ب 28 جنيه يعني ب 280 قرش في الشهر
-يعني لو اسرة 4 افراد اشترو في الشهر فول ب 11.2 جنيه ده كثير يا اولاد ال....
-هل ده معناه ان الناس مفاجيع ؟!!
-أرقام يتم تزويرها لركوب التريند في جمهورية الموز ودولة الإعلام المعلب
-طيب لما يبقي سعر كيلو الفول المستورد 15 جنيه يبقي معني كدة ان الأسرة اشترت في الشهر أقل من كيلو فول مدمس
-يا فضيحتكم ويا جهلكم يا أولاد ال
-طيب ازيدكم من الشعر بيت
سنة 2014 كان الإكتفاء الذاتي من الفول 33.8% والباقي بنستورده
-ولكن نتيجة سوء السياسة الزراعية وخسائر الفلاحين وتوقفهم عن زراعة الفول انخفضت النسبة الي 12.4% وفقا لبيانات التعبئة والإحصاء وانا ناشر الجدول
- ولذلك نستورد باقي احتياجاتنا بالعملة الصعبة
-يعني هل المواطن هو المسئول عن انخفاض الاكتفاء الذاتي من القمح والفول والعدس وزيت الطعام
-احنا وراكم والزمن الطويل يا كل اولاد ال.
*هنكشفكم ونفضحكم ونقول الحقيقة للناس يا نصابين
احنا عايشين في ملقف نصب واحتيال علي الناس اللي بتكح تراب
ولكن مسئوليتنا توضيح الحقيقة بالأرقام المنشورة من أجهزة الدولة الرسمية