شهدت مباني الهيئة الوطنية للأعلام الثلاثاء مظاهرات ضخمة أمتدت من بهو ماسبيرو الرئيسي على كورنيش النيل حيث هتف الموظفون بمطالبهم تحت شعار ( المطالب هي هي من أسوان لاسكندرية ) وقالت المذيعة هالة فهمي أن التليفزيون ليس تليفزيون الحكومة ولا تليفزيون النظام فهو تليفزيون الدولة المصرية، واستمرت هتافات أبناء ماسبيرو طةال اليوم وشهدت قناة الدلتا مظاهرة حاشدة داخل مبنى التليفزيون بطنطا و في القناة الرابعةالأسماعيلية ناشد الموظفين رئيس الجمهورية بتخليصيهم من القيادات ر تحت شعار ( يا رئيس الجمهورية أنزل خلص على الحرامية ) وفي مبني الشريفين بوسط القاهرة استمرت التظاهرات التي قادتها سيدات ماسبيرو .
عودة موظفي الأقاليم للتليفزيون قرار لم ينفذ
وقد نشر أحد العاملين بماسبيرو قرار لم ينفذ منذ عشر سنوات بألغاء قرار أنس الفقي بأنشاء قطاع القنوات الأقليمية و عودة كل أبناء الأقاليم لقطاع التليفزيون الغريب أن القرار رغم تحويله من رئيس التليفزيون في ذلك الحين للشئون الأدراية للتنفيذ لم ينفذ حتى الأن ، صورة من القرار
فيديوهات ماسبيرو
https://www.facebook.com/groups/521530278521631/permalink/896015117739810/?sfnsn=scwspwa
على الجانب الأخر وجهت أحى الموظفين رسالة الى عمرو أديب قالت فيها :
بما إنك بتحب المبادرات و بتدعم كل ما هو منتج مصري و كل ما يدعم اقتصاد مصر ... طيب ما تتفضل حضرتك و تجيب زمايلك معاك و تيجوا تنورونا في ماسبيرو و اهو تدعم التليفزيون المصري اللي هو السبب أصلا في وجودكم و تاخد ألأجور اللي بياخدها أهل ماسبيرو و تشتغل بإمكانيات ماسبيرو و يمكن تدخل إعلانات لماسبيرو و بدل ما تقول نقعد اللي شغالين فيه في البيت .. كنت دعمتهم بتحسين صورة التليفزيون المصري و اللي حضرتك و غيرك من مذيعين القنوات الخاصة السبب في تشكيك و عدم ثقة الناس في ماسبيرو ...
_ سؤال بس لحضرتك ... فكرت في مرة تتابع برنامج واحد من برامج ماسبيرو ... طيب سؤال تاني
_ حضرتك تعرف ان القناة المصرية الوحيدة اللي بتتكلم بلغتين الإنجليزية و الفرنسية في بلدك هي قناة النيل الدولية Nile tv و اللي بفخر اني منها و هي بردو في ماسبيرو و بقالها 23 سنة !!!!!!!
_ سؤال أخير معلش ... لما التليفزيون الرسمي لمصر ينهار.. يفضل ايه في مصر !! و لما يبقى كل العاملين و الكوادر المعروفة في القنوات الخاصة يبقوا من التليفزيون المصري يبقى العيب في مين !!!!!
و لما أحسن القنوات الأجنبية تشيد بأداء التليفزيون المصري في انتخابات الرئاسة و في معظم الأحداث و التغطيات الإخبارية و تصفه بأنه الأكثر حرفية في تغطية الأحداث الهامة .. يبقى العيب في مييييين !!!!!!!
يا ريت بدل ما انتو و غيركوا واخدين اجازات ومحسبوبين علينا عماله في التليفزيون و مش بس كده كمان بتوجهوا الرأي العام ضدنا .. تعالو اشتغلو فيه وخلوه رقم واحد بدل ما تركبو القنوات الخاصه عليه
من مظاهرات ماسبيرو ( فيديو )
https://www.facebook.com/groups/521530278521631/permalink/895934117747910/?sfnsn=scwspwa
بينما وجهت هناء عصام مذيعة الفضائية المصرية على صفحتها بالفيس بوك ردا على هجوم عمرو اديب على العاملين بماسبيرو ببرامجه كل يوم تقول :
ماشي يا استاذ عمرو هنستقيل ونروح نفتح اكشاك علي ناصيه بيتكوا نبيع بسكوت وحاجه ساقعه للمدام وهي راجعه من مدينه الإنتاج بعد ما تنتج وتتعب وتدفع بعجلة التنميه !!
حاضر يا استاذ عمرو هنروح بيوتنا ونقعد ع الكنب والكراسي لأن مفيش اساسا مكان تاني نروحله بعد ما نمشي.. بس ماتنساش إحياة ابوك وانت بتدعي ومقهور اوي ع الشعب المصري الغلبان اللي سفحنا فلوسه ف جيوبنا انك تدعي للي مش هيقدر حتي يتعالج لما تقفلها وتشرد آلاف الناس !!
عينينا يا استاذ عمرو انت تؤمر واللي فوقك يؤمر و30 الف موظف ينفذوا فورا !!
بس قبل ما نمشي يا استاذنا كنا بعد إذن جنابك وجناب اللي موصيك علينا عايزين حاجه هايفه كده حلاوة نهايه الخدمه ..
ممكن واحنا ماشيين تدونا صحتنا اللي راحت واللي استخسرتوا فيها حتي تمن العلاج لما حد فينا بيقع ..بعد ماضحكتوا علينا سنين بحاجه اسمها تأمين صحي كنا بندفعه من جيوبنا كل شهر ؟؟ ينفع بعد اذنك جزء من أحلامنا وطموحنا و حماسنا اللي اتداس عليه بالجزم يوم ما دخلنا منافسه مع الرقاصات والعوالم والارتيستات عشان هما بيجيبوا اعلانات واحنا لا ؟؟؟ ممكن لو مكنش عندك مانع ترجعلنا فلوسنا اللي اتنهبت علي مدار سنين وبقينا نصرف ع البرامج من جيوبنا والناس فاكرين أننا احنا اللي عاله عليهم علي الرغم من أننا مثلا لسه مقبضناش اساسااااا شهر 11 اللي فات ؟؟ ينفع بس لو مفيهاش سخافة مننا تعوضلنا مستقبلنا اللي ردمتوا عليه التراب من ساعه ماحولتونا لموظفين روتينيين واللي يحاول فينا يتميز ولا يشتغل بضمير بيتضرب بالنار ويتكوم جمب اخواته ! ينفع تقرأ معانا الفاتحه علي كل إبداع اتقتل جوانا وأي حلم كأن نفسنا نحققه وأي رساله كان ف نيتنا نوصلها باحترام ومهنية وصدق واتدفنت تحت اسم سقف المرتب والسبوبه وغيرها من اسلحه الدمار الشامل !
فيديو
https://www.facebook.com/groups/521530278521631/permalink/895925991082056/?sfnsn=scwspwa
هنسيبهالكوا يا فندم تحت أمرك لأننا أساسا مهما قلنا ومهما حاولنا لا كان ولا هيبقي لينا صوت ولا صدي زي حضراتكوا اصل بعيد عنك تخيلنا الإعلام مهنية مش صوت عالي وجعجعه ومصالح وعلاقات ..ههههه شفت غبائنا ا!! يا استاذ عمرو خدوا الاعلام كله حضرتك وبقيه العشره المبشرين بالشاشه ..خدوا معاكوا كمان الرأي العام اللي متحكمين فيه تماما …خدوا فلوس التلفزيون ومكتبته وتاريخه وامكانياته.. خدوا ماسبيرو واعملوه صاله بلياردو يمكن يزود الدخل القومي …خدوا شهادتنا ودورتنا وخبراتنا وفحت السنين قدام وورا الكاميرا …خدوا كل حاجه واكبروا انتوا كمان وكمان …بس الله يكرمك أدونا حاجه واحدة بس…..بعد اذنك يعني ان مكنش فيها رزاله ياريس …. عايزين عمرنا
فيديوهات ماسبيرو
https://www.facebook.com/groups/521530278521631/permalink/895939644414024/?sfnsn=scwspwa