طعم المطر
بارفان لروحي
بنتشي
لما بشم عبيره
من الشبابيك
وانتي في كل الغناوي
قسمتي وبوحي
زي الرجوع للحق
وقت الخروج م الضيق
فما فيش خطوط للطول
هتمشي في سكتي تاني
وخريطه هبله تغير التواريخ
نفس المعالم ياعالم
خارجه من روحي
لو حاولوا حتي يوصلوا المريخ
نفس المدينه مدينتي
خارجه بالمواقيت
بنها اللى فيها النيل
ضحكة في الحواديت
خارجين نصلي الفجرمن شوقنا
راجعين بصيد السمك
والضحكه ملو الايد
معرفش مين عدا معانا من هنا
"قلل" القناوي ولا" زلع " العيد
مخرجش من ايدهم
يصونوا عرضها
باعوا الاراضي وغيروا المواليد
خرجت جموع الفراعنه تلعن الحاجه
سهروا معانا الليل
ورجعوا للتوابيت
مين اللى صامد وصابر
لم يهزمه سره
مين اللي هاجر وسابك
تحت ستر الليل
حافر وداس علي الغلابه
ولا سابوه للغير
خرجت بيوتنا م المطر بايشه
واتمد فيها لون
فوق الخريطه جديد
وف كفها كل الحواري مروحه
ضحكه بؤونه بتنشف العناقيد
النيل بيحضن أرضها بشوقه
وبيسقي شجر الغيط
ويعدي في المواعيد
كاتب في عشقه
و ناصيته نهارك
سكنه وبوحه
ومنهج التجديف
"بنها" الوحيده اللى فرحت
لما هل الصيف
خرجت ورود الجناين
تطل م المظاريف
هزت رقاد الفراعنه
جوه تل اتريب
واتلخبطت
في الارض احوالنا
قلبوا اليالي سهر
اما النهار للنوم
فما فيش عمل نتقنه
غير المطر والنيل
غسلنا بيه حينا
مال الشجر عناقيد
طلع الثمر من فروعها
وابتسم لي سعيد
كل الموالي في بلادي
غيروا توبهم
خرجت مدينتي تاني
في التوقيت
واتعذبت في الغربه
اصل وصيت
عبر الصهاينه الشط من يمي
وعادو زي الجراد
لون وشكل وصيت
وصيتي للجالبين بكره
خلو النهار يتغسل
وعمدوه في النيل
مافضلش
فوق ارض العرب نخوة
كل الرزايا بيحكمو التوقيت
تعليقات
إرسال تعليق
أترك تعليق