مصطفى جمال مصمم الجرافيك اللى اتسجن من حوالى 4 سنين على ذمة قضية اغنية بلحة، و الوحيد حرفيا اللى مالوش اى علاقة لا بالأغنية ولا بالثورة ولا بأى شيئ غير أنه مصمم جرافيك و كان وثق صفحة رامى عصام فى ٢٠١٤ ضمن فنانين كتير و باندات مصطفى كان هو اللى وثق لهم صفحاتهم بحكم شغله ليس الا،
مصطفى جمال فضل طول فترة سجنه من اول يوم أمن دولة مع شادى حبش رفقاء القبضة من اول يوم لحد ما شادى صاحبه مات قصاده على أيده فى زنزانه 2/2 جوا سجن طره تحقيق،
مصطفى جمال تم تدويره في قضايا ٣ مرات بعد موت شادى، يعني بدل ما الدولة تخرجه عشان يلحق يتعالج والا يتعافى والا حتى يتناسي، لا أمن الدولة بيدوره في كل مره بيحصل فيها مصطفى على إخلاء سبيل،
مصطفى كمان باباه توفى من حسرته عليه و معندوش اخوات ولاد، مالوش غير هند أخته و مامته اللى فى اشد الاحتياج ليه،
اتمنى منكونش نسينا مصطفى جمال و اتمنى منبطلش نكتب عنه عشان لسه كلامنا بيفرق ولو على المستوى النفسي،
اكتبوا لمصطفى جمال و عن مصطفى جمال قبل فوات الأوان،