تواصلت المظاهرات داخل مبنى الإذاعة والتليفزيون المصري داخل بهو ماسبيرو وفي مبني الإذاعة القديم بالشريفين بوسط المدنية بعد يوم خلا من التظاهر هو يوم عيد الثورة المصرية ٢٥ يناير وعادت الأربعاء تجمعات الموظفين من أبناء ماسبيرو وكانت الهيئة الوطنية للإعلام قد قامت يوم الأثنين بصرف جزء من مستحقات العاملين بها بما لا يتعدى ١٠٪ من مستحقات العاملين كما وعدت بصرف مستحقات للمحالين للمعاش لمدة شهر واحد من ٣٦ شهرا مضوا دون صرف المستحقات و قد شهد هذا الصرف نقاشات كثيرة من أبناء الهيئة الذين أصروا على الاستمرار في التظاهر حتى صرف كامل مستحقاتهم كما قررت الهيئة تعيين متحدث رسمي باسمها في بيان صدر لها مساء الأربعاء وهو سامي العزالي ممثل نقابة الهندسة بالهئية و هو ما قوبل بالرفض من جانب المتظاهرين.
وقد نشر عدد من الموظفين أخبارا عن تحويلهم للشئون القانونية جراء أشتراكهم في التظاهر فقالت المخرجة وفاء بركات بقطاع التليفزيون : ياجماعه رئيسة التليفزيون حولتنى للتحقيق تانى من خلال الشئون القانونيه للتليفزيون التحقيق بكرة الساعه 12 ياترى الاستاذ وليد مرسى عنه فكره ولا هيقول محصلش اصله هو تقريبا رئيسه التليفزيون بتساله قبل متحولنا دعوتكم ليا ومهما عملو احنا لا بنخاف ولا بنطاطى
وعلق زميل لها قائلا :
مفيش جديد.. نفس الناس بنفس المنهج ومش عايزين وقفات تاني عشان يبلغو الرئاسة انه كله تمام والناس قبضت فلوسهم وخدو حقوهم يا ماليه يا رئاسة يا قيادات البلد مفيش علاوات غلاء ولا ترقيات ولا تسويات ولا فلوس معاشات ولا مرتبات هتزيد عشان مفيش اضافه ليهم عالاساسي.. وكل كم شهر هيشحتونا من فلوسنا شهر.. عايزين افكار جديده تضغط علي اصحاب القرار يطهرو المبني ونبقي ايد وحده عشان ميصطادوش واحد ورا التاني تحقيقات زي ال زميله وفاء بركات تاني مره يحققو معاها ... رحيل حسين زين مهم لان اي حد هييجي جديد هيبقا عارف ال قبله مشي عشان كل حقوق الناس وهييجي عامل حساب لمستحقاتنا اولا.. مستمرين بس عايزين افكار جديده.
وقال رضا منصور :
الساده الزملاء تم أخذ بوستاتي مع علي صفحتي علي الفيس بوك وتحويلي الي الشئون القانونيه من قبل رئيسه القناه علشان حطيت فيديو للسيد الرئيس بيقول فيه محاربه الفساد واجب علينا جميعا ... ده البوست بتاعي
وقال أحد العاملين في بوست له على جروب حقوق ضائعة بالهيئة :
الحمدلله حمدا كثيرا....لعله ناقوس الخطر في وقت نحن احوج فيه الي نظرة من الدولة والحكومة بل من الرئاسة ذاتها.... ولعل رجال الدين والقائمون علي ذرع المثل العليا والاخلاق الحميدة والفضائل ينتبهون الي مايحدث من جدال حول الفيلم الذي قامت عليه الدنيا ولم تهدا وايضا تلك الممثلة المدعوة مني زكي
الحمدلله علي نعمة الاخلاق ونعمة الادب ونعمة القيم التي تربينا عليها في ماسبيرو.. الانتاج الوسطي والاخلاق القويمة وزرع الادب والدين والاحترام المتبادل وتقديس العائلة والتي كانت موجودة في كل عمل يتم خروجه من بيت العائلة.. ماسبيرو... ذلك البيت الذي لن تجد مايهز جدرانه من اعمال قذرة واعمال بلطجة متشكلة تحت فكرة حرية الراي والتعبير كما يدعون في ذلك الفيلم الذي اقل مايقال عنه انه منبع فساد وقذارة ودياثة
لعل الدولة تقدر وتثمن معني كلمة ماسبيرو وما يحتويه من سجايا قيمة واخلاق دائمة وقيم وكرامة للاسرة المصرية من اعمال هادفة تحتوي علي نشر الادب والاحترام من خلال اعمال قويمة تلمس كل بيت مصري...
انتبهي يادولة.. انتبهي الي القامة والقيمة القاطنة علي كورنيش النيل تحت اسم ماسبيرو... الاذاعة والتليفزيون... الهيئة الوطنية للاعلام.. وياريت يادولة القانون والقيم والاخلاق ان تنتبهي لكلمة الوطنية
حسبنا الله وكفي... ولاحول ولاقوة الا بالله
كل المسئولون يعلمون حجم الفساد
وقال أخر
كل مسئول في الدولة يعلم كل مايحدث للعاملين في ماسبيرووووو من كبرها لصغيرها ويعلم حجم الظلم والفساد وكل العاملين في ماسبيرووووو بنقول لكل مسئولين الدولة انتوا عايزين مننا اية
انتوا عايزين اية من العاملين في ماسبيرووووو
السياسة التي تتبع مع أبناء ماسبيرووووووو امر خطير
نحن أبناء هذا الوطن
وهنعيش وهنمووووت في بلدنا مصر التي نعشقها
وكل مايحدث من تجاهل وعدم تتدخل وحل للازمة التي يمر بها التلفزيون المصري
وطالب سامح زنجر زملائه بالمشاركة في التظاهر حتى استرداد الحقوق كاملة و قال :
بالنسبة للزملاء الذين يقابلونى او يتحدثوا معى تليفونيا ويمصمصوا شفايفهم ويتنقرظوا على قيمه المبالغ التى تم صرفها...اقول لهم لما انتم قاعدين ومشوفناش وشكم من اول مابدانا وقفاتنا للمطالبه بحقوقنا المشروعه والتى اقرها رئيس الجمهورية
اى حاجه تنزل خدها وبوس ايدك وش وظهر ...وادعى لسيدات ماسبيرو قبل رجالته
اللى هما السبب ان نزلك المبلغ ده واقول لهم لماانت قاعد وحقك بيجيلك لحد عندك شعورك ايه وانت عايم على وش الفته واوصفلى شكلك وانت بتنظر فى المرايه كده او وانت بتدى الفلوس لااولادك بتقول لهم ايه ...اتقوا الله طالما انتم ترضون باللى بيسرق حقك يبقى بالمره اكفنا كلامك وخليك فى الفزلين اللى فى شعرك وادارى لا تنكشف وتاخد بردماهو الا كابوس سوف ينتهي وكل اول وله اخر
وسوف يأتي الله بأمره من فوق سبع سموات
صبرا جميلا والله المستعان عما يصيفون
وقال عادل مكاوي موجها كلامه لرئيس الهيئة :
هتروح من ربنا فين ياللي ذنوبك بالكوم
ياما ناس كتير ظالمين زيك وجالهم يوم
سابوا في البنوك ملايين ومخدوش حتي الهدوم
وفي قبرهم نايمين وفي بيتهم غراب بيحوم
عيشلك وافرح يومين وفي بحر طمعك عوم
لا السحت ليه رجلين ولا الحرام بيدوم
لو كلت منه سنين هينزل جوفك مسموم
ومر مرار السنين من دعوة المظلوم
اجري جري الوحوش
ومتشتهيش حسن الختام
أصل اللي زيك مبيشوفوش