جروب خاص بالصيادلة فيه يتكلمون عن المتاعب اليومية مع الجمهور ويفضفضون فيه عن أنفسهم أنشر بعضها لكم لطرافتها وبالذات مع أولئك الذين يعملون فى الأماكن الشعبية وفى الأرياف...أعجبتني وخاصة أنى مريت بها أو بمايشبهها وأحببت أن أشرككم معى فيها وآخرها... طفل أمه أعطته لحسة كريم على كف يده وراح الصيدلية وطلب من الصيدلى أن يشم الكريم ويعطيه زيه...وزميل فاتح صيدليته فى الأرياف سأله أحد الفلاحين فيه ميزان يادكتور فلما أجابه بنعم ...قال له ممكن أوزن شوال الغلة ده
وأحد الزباين طلب من الصيدلى خدمة وهو أنه يروح معاه بكرة البنك علشان عايز قرض ومحتاج ضامن ...وطفل دخل الصيدلية عايز أقراص المغص فسية الجن"فسرالجين"... وعيل تانى أمه بعتاه عايزة كانتالوب ٤٠ "بنتالوك ٤٠"...أو عايز كبسولات شُربة السمك"كبسولات زيت كبد الحوت"...وواحدة بتسأل ممكن ماما تشرب مية بسكر علشان يوطى ضغطها العالى ؟
بس إيه دخل السكر بالضغط ...
قالت مادام الملح بيعلى الضغط يبقى السكر بيوطيه !
وواحدة قالت للصيدلى والنبى تحط لى الاتنين كيلو لبن دول فى التلاجة عندك لغاية ماأرجع من مشوار ...
وواحدة إتصلت بالتليفون والنبى تشوف لي دكان الكومبيوتر اللى جنبك فاتح واللا قافل...
وزبونة طلبت...ممكن تحط للواد لبوسة السخونية دى أصل قلبى خفيف...
وعيال تدخل الصيدلية وتنسى حروف الكلام أو وقعت منها فى السكة واللى وصل منها مثلاً...عايز أقراص لإحتقار الزور "إحتقان"...وعيل داخل عايز رباط حشيش"شاش"...
وبنوتة عايزة حقن نادر يادكتور ...
نادر مين ؟
جوز آية...
وواحد قال يادكتور فيه علبة لوجع المفاصل لونها فسدقى ومرسوم عليها ناس بتجرى أخدتها منك الشتا اللى فات وريحتنى...عيلة صغنونة عايزة دوا ماما بتاع وجع الجنب اليمين...وواحد يقول لك فيه علبة لونها لبنى مسخسخ
أنا:عروستى
كنت بتجيبها لى من الناحية دى ويشاور...
أنا:عروستى...
وهى فى حدود خمسين ستين جنيه
أنا:عروستى
فيها شريطين أو تلاتة
أنا:عروستى
حبايتها بيضة ومطولة...
أنا:عروستى
البيت قريب هأجيب لك العلبة الفاضية بسرعة وأرجع أنا لسة راجع من الشغل فاكرك هتعرفها !
وآخرهم قروى عايز باصق للعضلات"باسط"...