و انت بتتفرج علي ليفربول و مانشيستر خليك فاكر الأتي:
من صنع هذا الفريق العظيم و هذا الأداء مدرب عظيم اسمه يورجن كلوب لان الكرة ١١ لاعب بيقودهم كوتش بيفكر و يحط تكتيكات و خطط و بيعرف يقرا الملعب و يحلل الفرق المنافسة.
خليك فاكر ان في ديربي رهيب زي ده و علي ملعب اولد ترافورد معقل مانشيستر انه يتغلب بهذه النتيجة التقيلة اللي اول مره تحصل في تاريخ الفرقتين في البريمير ليج ده حدث فريد من نوعه خاصة ان ده الديربي الاشهر و الاشرس في انجلترا.
ان جماهير اليونايتد تسيب اولد ترافورد و تخرج و الماتش شغال ده حدث جلل و رهيب و هيفضل في الذاكرة سنوات و سنوات لانه حصل في ديربي شمال انجلترا او كلاسيكو البريمير ليج
خليك فاكر كويس ان في اول مره في تاريخ هذا الديربي لاعب يسجل هاتريك و كمان عامل اسيست و في الاولد ترافورد معقل اليونايتد و كمان مسجل في اولد ترافورد في عدة بطولات مختلفة مش الدوري فقط.
خليك فاكر ان اللاعب ده من مصر من قرية اسمها نجريج و ربنا كرمه انه ما لعبش في الاهلي او في الزمالك، اجتهد و تعب و اشتغل علي نفسه و عمال بيكسر الارقام القياسية لمن سبقوه علشان هو عمال يجتهد و يطور من نفسه و يتمرن جامد علشان يفضل محافظ علي نفسه و علي تطور مستواه للأحسن.
خليك فاكر ان اسمه محمد صلاح و ان بيلعب جنبه فرقه محترمه من غيرهم ما يقدرش يعمل ده و خليك فاكر زي ما قلت فوق في مدرب محترم بيقود هذه المنظومه اسمه يورجن كلوب.
حقبة ليفربول بوجود كلوب و محمد صلاح و باقي الفرقه حاجه من اجمل الحاجات اللي حصلت في تاريخ الساحرة المستديرة و اعتقد انها هتفوق الحقبه الفردية للصراع بين ميسي و رونالدو.
طبعا ردود افعال السير اليكس فيرجسون و ابتسامة السير كيلي دالجليش حاجه عظمه و دي بسبب افعال مو بصراحة
انبسطوا و استمتعوا بهذه المتعه بعيداً عن صراخ المتعصبين و المرضي بالقبح الكروي.
محمد صلاح عن جدارة يستحق كل الالقاب الفردية الممكنة و اتمني ان ليفربول يحصد كل البطولات هذا الموسم لان الفرقة تستحق و لان ابننا محمد صلاح يستحق ان يتكتب اسمه في التاريخ بالبطولات مش ارقام فردية فقط